Aerobiologik monitoring tahlillar

Bahoriy gulchanglar: Aerobiologik monitoring tahlillar

Tabiat uyg‘onmoqda, daraxtlar gullab, atrofimizda go‘zal manzaralar yaratmoqda!  Ammo havodagi gulchanglarning ko‘payishi allergiyaga moyil insonlar uchun noqulaylik tug‘dirishi mumkin.

 Aeromonitoring natijalariga ko‘ra, ayni paytda havoda ochiq urug‘li o‘simliklardan  sarvdoshlarga mansub daraxtlar, gulli o‘simliklardan shumtol, qayrag‘och va qandag'och kabi daraxtlarning gulchanglari sezilarli darajada ko‘paygan. Ushbu o‘simliklar gulchangi allergik belgilarni keltirib chiqarishi mumkin.

 Allergiyadan himoyalanish uchun tavsiyalar:
 Ertalab va shamolli kunlarda ochiq havoda kamroq bo‘lish
 Ko‘zoynak va niqob taqish
Uy va ish joylarida tozalash ishlarini muntazam olib borish
Allergiya simptomlari sezilsa, mutaxassisga murojaat qilish