Iqlim o‘zgarishi. Ekologiya. Allergiya” xalqaro ilmiy-amaliy anjumani

“Iqlim o‘zgarishi. Ekologiya. Allergiya” xalqaro ilmiy-amaliy anjumani 2025-yil 22-may Bugun global ekologik muammolar inson salomatligiga tobora kuchliroq ta’sir ko‘rsatmoqda. Ayniqsa, havoning ifloslanishi astma va allergik kasalliklarning ko‘payishida muhim rol o‘ynayapti. Shu muammolarga e’tibor qaratish maqsadida Toshkentda “Iqlim o‘zgarishi. Ekologiya. Allergiya” mavzusida xalqaro ilmiy-amaliy anjuman bo‘lib o‘tdi. Unda mutaxassislar ekologik omillarning sog‘liq uchun xavflari, ayniqsa, bolalar salomatligiga ta’siri haqida dolzarb fikrlar bilan o‘rtoqlashdi. Tadbir XXII astma va allergiyaga qarshi kurash kuni doirasida o‘tkazildi va ushbu yo‘nalishda amalga oshirilayotgan sa’y-harakatlarga e’tibor qaratildi.