Bugun, 2025-yil 13-iyun kuni

Innovatsion rivojlanish agentligi huzuridagi Xalqaro molekulyar allergologiya markazida xodimlar uchun "Jamiyatda korrupsiyaga qarshi murosasizlik madaniyatini shakllantirish" mavzusida korrupsiyaga qarshi umumiy o‘quv mashg‘uloti o‘tkazildi.

Tadbirning maqsadi — huquqbuzarlik va manfaatlar to‘qnashuvining oldini olish, korrupsiyaviy xatarlarni kamaytirish, korrupsiyaga qarshi kurashish tamoyillari haqida xodimlarning huquqiy bilimlarini oshirish edi.

Mazkur o‘qitishni Markazning yuriskonsulti, korrupsiyaga qarshi ichki nazorat bo‘yicha mas’ul xodim Sh. Abdullayeva olib bordi. U korrupsiyaga qarshi murosasizlik madaniyati, amaldagi qonunchilik, ichki hujjatlar va xalqaro tajriba haqida batafsil ma’lumot berdi.

Tadbir yakunida mavzuga oid videolavha namoyish etildi.

Korrupsiyaga qarshi murosasizlik — kuchli jamiyat poydevori!